المتفوقون : كلمات تحفيز وتشجيع للطلاب

الطلاب الأوائل : عبارات تحفيزية وتشجيعية للطلاب المتميزين

حرك نفسك الى متى !!

الانسان اذا اراد التميز عليه بالجد والعمل فإن العمل الجاد يؤتي بثماره ربنا قال ولقد كرمنا بي آدم ربنا كرمنا بالعقل وماف حد اداه عقل احسن من التاني حكاية المادة دي م بفهما والمادة دي م بتخش عقلي دا كلام فارغ م اكتر 💦التفضيلات والنبوغ والتميز دا بتصنعه انت بذات نفسك التفوق عايز تعب ومثابرة وصبر ما حاجه بالبساطة دي

والتميز ما بتحصل عليه إلا اذا لاحقته وتصببت عرقا حتى تلمسه وأن طريق المعالي مر لسالكه حرك نفسك م محتاج تحفيز او اي شكل كان انا اعي تماما انو المشكلة فيك انت انت م عارف تقرأ كيف!!

انت الان امامك فرصة انك تنجز حكاية م قاعد اقرا ونفسيات من الحرب والكلام دا شيلو من راسك لانو مافي منافس ليك حقيقي وعدو اكتر من نفسك فانت المفروض تنافس نفسك وتنشغل بنفسك وتقاتل نفسك في اوقات الفراغ وتستعين بالله على مجاهدة النفس والصبر عليها نحن محتاجين نقرا وبس محتاجين انو نعرف نبدا كيف وانت اكيد بطموحك وعزمك وصبرك حتى تصل فوق في الاعالي🌸 تعرفون عن اعلام في الغرب وانا أعرف اعلام من السلف مثالا في علو الهمة في اسوء الظروف واحلكها وبلغو ما بلغو

واقول لكم قول المتنبي : 

.. وإن اتم الناس عقلا من كان بين الناس منشغلا بنفسه🌻

وانما قصدي هنا ان نبدا في اصلاحها وحقنها بما ينفعها بدل إهدار الزمن في الملهيات وغيرها