لغة انجليزية : شرح زمان The Past Perfect الماضي التام
 |
| The Past Perfect الماضي التام |
تعلم اللغة الإنجليزية مجانا مع المجلس الثقافي البريطاني
تعالوا احكي ليكم منو السبب في انكم قاعدين قرفانين وانتوا بتذاكوا الانجليزي ..😂👇
The Past Perfect الماضي التام
تعالوا تعالوا خفتوا من الإسم متاكد اغلبكم ماقروهوا اصلا يلا نحاول تاني اسمه The past perfect !!
الازمنة : مثال لشرح الماضي التام
إتوترتوا !!! إتزكرتوا ذكريات دراسيه مؤلمه 😂 طيب حا احكي ليكم قصة كدا جاهزين؟ 🥳🤹🏻
ابكر إتزوج حفصة 👩🏻🦳 2010 وكان بحبها جداً وعلشان يحسسها بالحب والدعم والأمان ويخفف العبئ من عليها عرس كلتوم 👩🏻💼 في 2020 عشان يجيب ليها اُخت وصديقه وده بسطها جداً 👭💃🏼💃🏼
👧 تهاني بنت حفصة الأولانيه قالت ليهو يا بابا أنا بحب خالتو كلتوم 👩🏻💼 جداً إنت عرست منو الأول هي ولا ماما
🤵🏻 قال ليها : I had married your mother 👰🏻 before I met kalom
👧🏻 يعني منو قبل منو !!!
🤵🏻 شوفي I saw katom 👩🏻💼after I had married your mom
👧 لا يا بابا ما فاهمه منو الأول وليه بتقول ( had ) كل ما تتكلم عن ماما 👩🏻🦳 لزومها شنو had دي
🤵🏻 شوفي يا تهاني الزواجين كانوا في الماضي خالتو كلتوم 👩🏻💼 2020 ده الماضي العادي ( البسيط )
يعني. امك 👩🏻🦳 في 2010 فكده حاتبقي ماضي الماضي يعني ( التام ) وعلشان كده بخت لماما ( had ).
👧 ما فاهمه إديني مثل تاني
🤵🏻 حاضر نقول تاني ... إنتي دخلتي الأوضه لقيتيني بتفرج علي الفيلم صاح !! يبقي الماضي إنك دخلتي (🚶🏼♀you came )
والماضي القبليهوا إني شفت الفيلم حايبقي ماضي الماضي يعني ( التام ) فنخت ليهو had حايبقي ( I had watched ) يلا نلصقهم في بعض 💪🏻
- You came🚶🏼♀after I had watched the movie 🖥.
👧 ايوه يا بابا فهمت يعني أنا حاقولها
- you had watched the movie 🖥 before I came🚶🏼♀.
🤵🏻 شاااطرة بنتي حبيبتي زكية زي ابوك 🥇😘😘👏🏻
👧 طيب والزمن بيتكون من شنو مع باقي الضماير
🤵🏻 مافي كلهم زي بعض بنخت ( had ) ثابته لكلللللللللل الضمائر كده أي خدمه 🥳
( I - he - she - it - you - we - they ) + had + p.p
- طيب إنتوا فهمتوا !!!!!! لا😥 طيب نقول تاني
- Ekhlas had finished the task 👩🏻🏫 before the teacher asked.
إخلاص خلصت الأول من قبل حتي الاستاذ ما يطلب.
حاجتين حصلوا في الماضي علشان كدة خلينا الحدث الأقدم ( تام ) وختينا had بس
- اها فهمتوا يا ناس !!!!!!
نقووووول تاااني 🕺🏻💪🏻
- Anas had bought the phone 📱before you came.
اها الحصل الأول هنا شنو🤔 ؟ أنس إشتري التليفون الاول ولا إنت جيت اول؟ أيوه أنس إشتري التليفون الأول فختينا ليهو had بس خلاص 🕺🏻🦸🏻♂
- فهمتي يا ماما !!!!! نققووول كمااااااااان ما بسيبكم غير لما عقدتكم تتفك 🥳🎊
- we went home 🏘 after our dad 👨🏻💼 had arrived.
اها الحصل الأول بابا جي ولا إحنا مشينا البيت ؟ أيوه وصلنا بعديهوا يبقي هو جي الأول فختينا had لي وصول باباااااااااا بسسسسس 🦸🏻♀💃🏼
الخلاصة 🥳 :
الإستخدام الأشهر للماضي التام لما بنتكلم عن حدثين تموا في الماضي 🏃🏻♀🏃🏼
عندنا في العربي كل الماضي واحد لكن في الإنجلش لو حاجتين حصلوا في الماضي بنرتبهم زي ( صحيت وغسلت اسناني (اتسوكت)...
قابلت مروه قبل ما امشي... شفت علاء بعد الشغل ) .......إلخ
- الأولاني القديم بيبقي ماضي الماضي ( التام ) هو ماضي تمممم قبل الماضي البعده
- الثاني الأخير بيبقي ماضي عادي ( البسيط )
وكل البنعملوا إننا بنخت لل action الأول ( had + p.p ) بس مع كل الضمااااائر إنبسطوا يلا 🎀🤹🏻🎈
فهمتوا !!!!!
طيب بتتلخبطوا بين ( before - after ) !!! علشان عايزينكم تفهموا وما تحفظوا ما حانديكم ستامبات كل الحاتعملوا إنكم ترتبوا الحدثين في مخكم تحددوا ياتو الأول وياتو التاني
وعلشان ماتنسوا تاني هاكم مثل حقيقي يخصك إنت يالبتقرأ أي إنت 💖🥰
- إنت بتقرأ البوست ده حاليا صاح ؟؟
طيب فتحت الفيس الأول ولا قريت البوست الأول ؟؟ أكيد فتحت الفيس الأول طبعاً
يبقي بعد ما حاتخلص البوست حاتكون عملت حاجتين في الماضي :
- ١- فتحت الفيس فكده يبقي ماضي الماضي يعني ( التام )
- ٢- قريت البوست ماضي عادي ( بسيط ) فكل الحاتعملوا يا معلم إنك حاتخت ( had ) للحدث الأول الأقدم كده 😎👇
- I had opened the Facebook before I read the post.
أو
- I read the post after I had opened the Facebook.
والنفي في كللللللل الأزمنه ب ( not )
- I had not eaten before you came.
- ما اكلت قبل ما تيجي حبيت أستناكي علشان تفتحي لي نفسي😏.
شفت ساهله كيف 🕺🏻💃🏼🎈🎊🥳🥳
- التصريف الثالث في The Past Perfect الماضي التام ساهل للغاية يفهمها المبتدئين بأغنيه ومعظمه بيبقي زي التصريف الثاني مضافة ليهو ( ed ) بس
- - listen- listened - listened.
- - walk - walked - walked.
- - work - worked - worked.
- - eat - ate - eaten.
- - drink - drank - drunk.
لو دندنت مع نفسك كل يوم خمسه أفعال 🎶 🥁 حتلقي لسانك 🗣 اتعود عليهم في أي محادثه وحاتبقي متمكن بدوووووون لا حفظ ولا مجهوووود 🏃🏻♀🏃🏼
معلومه في ونسة ظريفة كدا 🏆🥇💪🏻🥳😍💖🎉
اذا عجبكم الموضوع😉👇👇
استلم كتاب قواعد اللغة الانجليزية
انجليزي/عربي pdf مجانا
موسوعة من قواعد الانجليزية مبسطة وشاملة
مع هذا الكتاب الرائع ستتفهم قواعد اللغة الإنجليزية مهما كان مستواك.
ايوه قبل ما أنسي بس طلب صغير شارك البوست علشان الكل يستفيد😉👌
دمتم بخير ومعاكم سلامه🚶🚶