المتفوقون : نصائح للمذاكرة الفعالة
الطلاب الأوائل : نصائح ذهبية قبل البدء في المذاكرة
لكل طالب ممتحن 💙 هنا نصائح مكتسبة ممكن أن تفيدك للمذاكرة الفعالة :🔷 جدول المذاكرة الفعال :
هو يختلف من شخص للثاني يعني ممكن جدولي انا ما يناسبك وممكن جدول زول ثاني يناسبك اقول لك طريقه جميله لجدول المذاكره انك تبدا الاولويات وتشوف المواد اللي انت ضعيف فيها يعني المواد اللي انت مثلا مذاكرتك فيها حبه او درجاتك فيها بسيطه وتكتبه في الاول وباقي المواد تنزلها حسب مستوى تقدمك فيها🤗👍
🔷 أوقات المذاكرة الفعالة :
حاول تقسيمها .. مثلا ذي الصباح ممكن تذاكر فيهو مواد الحفظ كالتربية الإسلامية و الادب والمطالعة ... وباقي اليوم تراجع فيه باقي المواد أو مواد الفهم ويكون معاك ورقة وقلم عشان تقرا بيهم 🌹
🔷 مذاكرة الرياضيات كمثال :
بعد تأخد الدرس والاستاذ يديكم التمرين ما تكتفي بالمسائل الساهلة وتقول خلاص انا حليت لا هي كل المسائل دي واجبة عليك وبتجي في الامتحان وخصوصا مسائل التمرين العام✅
حلها وامشي للاستاذ وصحح عشان يوريك اخطاءك وين وارجع عالجها بتفيدك في الامتحانات وفي امتحانات الشهاده ان شاء الله ، والزول الما قعد يحل تمرين زاتو💔 احسن تراجع نفسك 😔 ...
حلها وامشي للاستاذ وصحح عشان يوريك اخطاءك وين وارجع عالجها بتفيدك في الامتحانات وفي امتحانات الشهاده ان شاء الله ، والزول الما قعد يحل تمرين زاتو💔 احسن تراجع نفسك 😔 ...
🔷 لا تهمل دروسك يا طالب🥺 :
درس اليوم باليوم ذي ما بتقول الحكمة .. ولو ما نفس اليوم احرص انك تقراهو قبل ما يدوك حصة جديده في نفس المادة👍
🔷 تعلم من أخطائك و نتائج :
عندما تعلن النتيجة.. اكتبها واكتب باقي نتائج امتحاناتك الشهرية وقم بالمقارنة .. هل نسبتك كانت أعلى من الشهر الفات ام أقل ؟.. انت نقصت في ياتو ماادة؟ ..المواد الكويس فيها شنو؟ .. جاوب على الأسئلة دي وابني عليها جدول مذاكرة جديد .. وشوف النتيجة ح تصبح كيف💙
🔷 لا تاخد ابداً انطباع سيئ عن مادة :
فلا تقل انها صعبة بمجرد تجربة زول خاضها مع المادة 💔. اتفائل دائماً 💙 وخت النية انك ح تنجز المادة دي 💙 وماف حاجه صعبه الا الحاجه الاقنعت عقلك انها صعبه 💔. " انا عاوز اجيب نسبة فوق لل90 "💙
اكتب الجملة دي في ورقة عندك وكل ما تجي تذاكر اقراها واتأمل فيها💙
اكتب الجملة دي في ورقة عندك وكل ما تجي تذاكر اقراها واتأمل فيها💙
🔷 تجنب أصدقاء السوء :
⬅️ صاحب الناس الكويسين الممتازين وأوائل الدفعة 💙 عشان تبقى منهم في يوم من الايام 💙 صدقني لو قعدت جنبهم ساكت ح تستفيد كتير 😅💙
وعاوز اختم بأبيات شعر من تأليفي 😅 ما شاعر لكن محاولات شعرية🌹🤗
وداير أوصيك يا الممتحن خير وصية
كتابك خلي ديما جليس في كل مطية
ذاكر بيهو .. راجع حل ليك عصية
عشان تنجح تفرح للأهل بنتيجة
وعاوز اختم بأبيات شعر من تأليفي 😅 ما شاعر لكن محاولات شعرية🌹🤗
وداير أوصيك يا الممتحن خير وصية
كتابك خلي ديما جليس في كل مطية
ذاكر بيهو .. راجع حل ليك عصية
عشان تنجح تفرح للأهل بنتيجة